Mexikaanse vleistert
Hierdie resep is ek baie lief om te maak. Ek verdubbel hom gewoonlik vir die honger Van der Westhuizens. Heerlike ligte ete saam met slaai vir die somer!
Kors 250ml water 2ml sout 250ml mieliemeel 250ml melk 15ml botter 1 groot eier, geklits 50ml gerasperde kaas
Vulsel 250g gemaalde maer maalvleis 30ml sonneblomolie 3 ryp tamaties geskil en fyn gesny 1 soetrissie ontpit en fyn gesny 15ml groen olywe, ontpit en in skyfies gesny(opsioneel) sout en knoffelsout na smaak knypie rooipeper 5ml witsuiker 15ml meelblom 200ml gerasperde kaas
Verhit die water en die sout tot kookpunt. Maak die mieliemeel met die melk aan en voeg dit by die water en roer tot die mengsel dik en glad is. Verlaag die hitte, bedek en kook die pap 10 minute lank tot gaar, stadig. Klop die smeer by die pap. Klop bietjie van die warm pap by die eier en meng alles baie goed. Roer die kaas by en meng goed. Spuit `n oondbak en voer die bak met die papmengsel uit. Braai die maalvleis in die olie totdat dit begin verbruin. Voeg die res van die bestandele, behalwe die kaas, by en stowe die mengsel totdat dit dik en sonder sous is en roer kort kort. Skep die mengsel in die papkors en strooi kaas bo-oor. Bak 40min in vooraf verhitte oond en laat ongeveer 10min staan voor dit gesny word. Sit warm voor. |
