Bief stroganoff
Ek maak die gereggie uit enige vleis wat ek in blokkies kan sny of repies. As dit `n goedkoper snit vleis is wat geneig is om `n bietjie taai te wees, sal ek dit eers sag stowe voordat ek die stroganoff maak. China en Chris is mal hieroor!
1kg beesfilet of ander biefstuk van goeie gehalte 1 ui gekap 1 knoffelhuisie, gekneus 125g botter of margarien 300g vars sampioene 100ml koekmeel 5ml sout 1ml peper 250ml biefaftreksel 15ml sjerrie 250ml dik suurroom 5ml worcestersous
Sny beesvleis in repies of blokkies. Braai ui en knoffel en sampioene in botter tot sag en skep uit en hou eenkant. Meng die koekmeel, sout en peper en rol vleis daarin en braai tot tot bruin in dieselfde pot. Skep die gebraaide vleisrepies en uie mengsel terug in die pot en voeg die aftreksel, sjerrie by en laat opkook. Sit die deksel op, verlaag die hitte en prut sowat 25 minute. Haal die pot van die stoof af en roer die suurroom en worcestersous by. Plaas terug op die stoof en warm op oor lae hitte. Sit dit warm voor. |
