Duiwelslekker biefstuk
Hierdie reseppie is regtig sag en sappig, vandaar sy naam. Jy kan ook dit in die oond bak indien jy so verkies.
1kg biefstuk 50ml koekmeel 10ml sout 7ml mosterdpoeier 1ml peper 50ml kookolie 250ml water 20ml worcestersous 5ml sojasous
Meng koekmeel, sout en peper en mosterd saam en rol vleiskywe aan beide kante daarin. Kap ook die mengsel in die vleis in met jou vleishammer of `n dik piering. Braai een vleiskyf op `n slag in kookolie tot bruin. Skep die vleis terug in die pot nadat alle vleis gebraai is. Meng die water, worcestersous en sojasous en gooi oor die vleis. Sit die deksel dig op, verlaag die hitte en prut die vleis 2 tot 3 uur baie stadig. Hou die nuuskieriges weg van die pot af en moenie die deksel oopmaak nie! |
