Smaaklike ribbetjies
300ml bier 30ml worcestersous 30ml aangemaakte mosterd 30ml sagte bruin suiker 2ml tabascosous 1 uitjie fyn gekap 1,5kg vark of skaapribbetjie sout en peper na smaak
Meng die bier, worcestersous, mosterd, suiker, tabascosous en uitjie goed saam. Pak die ribbetjie in `n diep houer en gooi die marinade daaroor en laat marineer vir 2-3 uur lank. Draai af en toe om. Sit die ribbetjie in `n oondpan en gooi marinade oor en maak toe met deksel en bak tot gaar in middelmatige oond. Strooi sout en peper oor nadat dit gaar is en laat staan nog 10 minute voor opdiening. |
