Hoender en aartappelkoek
Aartappellaag 700g aartappels, gewas 3 eiers, geklits 15ml gekapte pietersielie 10ml gekapte basiliekruid 5-6 sprietui, gekap halwe rooi soetrissie in blokkies gesny 250ml gerasperde kaas sout en peper na smaak
Vulsel 500ml gekapte gaar hoender of kalkoen 30ml mayonnaise 4 repies spek, bros gebraai en in stukke gesny knippie suiker 15ml tamatiemoes 185ml room
Voorverhit oond na 180 grade. Kook die aartappels tot net gaar en dreineer , spoel onder koue water af, dreineer weer en laat afkoel. Skil aartapppels en rasper grof in bak. Roer die eiers, kruie, sprietuie, soetrissie en die helfte van die kaas in. Geur met sout en peper. Druk die helfte van die aartappelmengsel liggies op die boom van die bak vas. Verwerk die vulsel bestandele in die voedselverwerker tot gemeng maar nog effens grof. Smeer die vulsel oor die aartappellaag in bak en bedek dan verder met die res van die aartappelmengsel. Sprinkel die kaas oor en bak 60min tot ferm en gaar. Laat dit 10min in pan staan en keer dan uit en sny in skywe. |
