Skenkels met ryskluitjies
Skenkels 800g beeskenkels in skywe gesaag 30ml olie 1 groot ui in ringe gesny 1 groot soetrissie in repies gesny 30ml koekmeel 30ml tamatiepasta 5ml kruie vars of droog 5ml sout 1ml swartpeper 300ml vleisaftreksel
Ryskluitjies 250ml gaar rys 125ml koekmeel 125ml gerasperde kaas 5ml bakpoeier 5ml kruie vars of gedroog 1 eier geklits melk
Voorverhit oond tot 160 grade. Verhit die olie in kastrol oor matige hitte en braai vleis bruin. Skep die vleis uit en skep dit oor in ‘n oondskottel met ‘n deksel. Foelie kan ook gebruik word. Soteer die uie en rissie in dieselfde kastrol tot sag. Sprinkel die meel oor en roer goed. Voeg die tamatiepasta, kruie, sout en peper en aftreksel by en roer deur. Skep dit oor die vleis, plaas die deksel op en bak sowat 2uur of tot die vleis sag is. Meng al die bestandele van die kluitjies deeglik tot ‘n sagte deeg. Voeg ‘n bietjie melk by indien nodig. Skep die kluitjies bo-op die vleis en bestryk dit met ‘n bietjie melk en bak sonder ‘n deksel 30 min of tot goudbruin en gaar. |
