Heerlike stampmieliegereg
500ml stampmielies 7ml sout 10ml botter of olyfolie 250g gesnipperde spek 250g sampioene in skyfies gesny 250ml mayonnaise 125ml room 1 pakkie wit uiesop 250ml gerasperde kaas Peper na smaak
Week die stampmielies oornag in water. Dreineer en giet die mielies in kastrol en voeg die sout by. Gooi genoeg water om die mielies te bedek en kook tot sag en dreineer. Voorverhit die oond na 180 grade en spuit oondvaste bak. Verhit olie en braai die spek en sampioene tot bruin. Meng die mayonnaise, room, soppoeier en kaas in ‘n mengbak. Voeg die mielies, spek en sampioene by. Geur met peper. Skep mengsel in die voorbereide bak en bak ongeveer 60 minute tot bruin bo-op. Genoeg vir 5-8 mense. |
