Boeresamoesas
Baie lekker en kan gevries word vir latere gebruik.
Vulsel 1 groot ui, fyn gekap 25ml kookolie 250g maalvleis 10ml kerriepoeier 5ml borrie 5ml sout 25ml mielieblom
Kors 500ml koekmeel 10ml bakpoeier 2ml sout 100g botter of margarien, by kamertemperatuur 100ml koue water
Braai die ui in kookolie tot sag en voeg die maalvleis by, en braai tot gaar. Voeg die kerriepoeier, borrie en sout by en braai verdere 5 minute. Maak die mielieblom met `n bietjie koue water aan en roer by vleismengsel en kook tot dik. Laat die vulsel afkoel. Sif die meelblom, bakpoeier en sout saam. Vryf die botter of margarien in die meelmengsel in. Sny die water met `n slaplemmes in en gebruik net genoeg water om `n stywe deeg te vorm. Rol die deeg dun uit op `n meelbestrooide plank en druk sirkels met `n vrugteflesdeksel af. Skep `n teelepel vulsel op elke sirkel. Maak die rande van die sirkels met koue water klam. Vou oor en druk stewig vas. Braai die tertjies in warm diep olie tot uitgerys en goudbruin. Dreineer op kombuispapier. |
