Kaasbeskuitjies
500ml gerasperde cheddarkaas 1 pak (150g) kaas en uie aartappelskyfies, fyngemaak 250ml koekmeel 100g botter of margarien, by kamertemperatuur.
Voorverhit oond tot 200 grade. Smeer `n bakplaat. Meng kaas, aartappelskyfies, koekmeel en botter of margarien saam tot `n deeg. Rol die deeg in okkerneutgrootte balletjies. Plaas die balletjies op die bakplaat en druk met `n vurk plat. Bak die beskuitjies 10 minute op die middelste oondrak. Laat hulle afkoel. Hierdie resep lewer sowat 4 dosyn koekies. |