Katkoppe
Frikkadelletjies 3 snye witbrood melk 1kg maalvleis 1 ui gerasper 2 eiers 50ml asyn 50ml koekmeel 10ml sout 5ml bakpoeier 5ml braaivleisspeserye 2ml geuropwekker knypie peper
Beslag 500ml koekmeel 10ml bakpoeier 2 eiers 2ml sout 400ml melk kookolie vir diep braai
Week die brood in melk. Druk soveel melk as moontlik uit wanneer die brood deurweek is en maak die brood goed fyn, hou die melk om in die beslag te gebruik. Voeg die maalvleis, ui, eiers, asyn, koekmeelblom, sout, bakpoeier, braaivleisspeserye, geuropwekker en peper by die brood en meng. Vorm frikkadelletjies. Klop die meelblom, bakpoeier, eiers, sout en melk saam tot goed gemeng en sonder klonte. Doop die rou frikkadelletjies in die beslag en braai hulle dan oor matige hitte in warm, diep olie tot ligbruin en gaar. Dreineer op kombuispapier. |
