Kaastertjies
Kors 125g botter of margarien 1 eier knypie sout 15ml kookwater 375ml koekmeel 7ml bakpoeier
Vulsel 30ml botter of margarien 50ml koekmeel 250ml melk 125ml gerasperde cheddarkaas 15ml gyn gekapte pietersielie 15ml gerasperde ui 1ml sout 1 eier, geklits bietjie ekstra gerasperde kaas vir bo-oor
Smelt die smeer en laat afkoel tot lou. Klits die eier en sout goed saam. Klits die water by en meng dit met die smeer. Sif die meel en bakpoeier saam, maak `n holte in die middel en giet die smeermengsel daarin. Sny met `n slaplemmes in om deeg te meng. Druk die deeg dun uit in die holtes van klein kolwyntjiepanne. Smelt die smeer en roer die meel bietjiesgewys en vinnig by. Roer die melk by en roer aanhoudend en kook tot dik. Haal van die stoof af en roer die kaas , pietersielie, ui en sout by. Roer die eier vinnig by. Skep die vulsel in die rou doppies en strooi gerasperde kaas bo-oor. Bak die tertjies sowat 40 minute of tot goudbruin in `n voorafverhitte oond van 180 grade. Lig die tertjies versigtig uit en laat effens afkoel en sit louwarm voor. Lewer ongeveer 36 tertjies. |
