Vingerbeskuitjies
Hierdie reseppie is werklik iets besonders, as jy in ag neem dat dit van oorskiet brood gemaak word.
100g margarien 1eetl marmite 200g margarien 1 pakkie wit uiesop 1 witbrood gesny aromat
Voorverhit oond na 90 grade en smeer 2 groot bakplate liggies met olie. Klop die 100g margarien en marmite tot goed gemeng en lig en hou eenkant. Klop die 200g margarien en wit uiesoppoeier tot lig en romerig en hou eenkant. Smeer elke sny brood eers met die marmite mengsel en daarna met die uiesopmengsel. Sprinkel ‘n klein bietjie geuropwekker oor en sny in vingers so groot soos jy verkies. Bak 2 uur tot uitgedroog. Laat afkoel en geniet as versnapering saam met wyn of bier. Lewer ongeveer 80 beskuitjies. |
