Mieliepaphappies
500ml growwe mieliemeel 2ml sout 375ml koue water 750ml warm water 12 repe spekvleis 2 groot uie, gekap 1 groen rissie, gekap 5ml gekapte vars knoffel 1ml rooi peper 50ml vars gekapte pietersielie 3 eiers 250ml vars broodkrummels olie
Meng mieliemeel, sout en koue water in pot. Voeg warm water by en prut tot gaar. Roer gereeld. Braai spek tot bros en kap fyn, voeg die uie, rissie en knoffel ook daarby en braai tot sag. Voeg saam met die spek by die pap en meng goed. Klits ‘n eier en roer dit in. Geur met sout en rooipeper na smaak, voeg pietersielie by en meng goed. Vorm die mengsel in bolletjies, doop eers in die eier en dan in die broodkrummels. Verhit genoeg olie vir diepbraai en braai die bolletjies tot goudbruin. Maak omtrent 55 happies. |