Biltongpoffertjies
100g fyn biltong 250ml volkoringmeel 250ml koekmeel 30ml bakpoeier 5ml mosterdpoeier 5ml sout 125ml gerasperde cheddarkaas 3 eiers 200ml melk 100ml olie 15ml suurlemoensap
Smeer ‘n mikrogplf muffinpannetjie liggies. Meng die biltong, volkoring en koekmeel, bakpoeier, mosterd en sout saam ‘n mengbak. Vou die kaas liggies in. Klits die eiers, melk, olie en suurlemoensap saam en roer liggies by die meelbestandele. Moenie te veel meng nie, net tot alles aangeklam is. Skep van die beslag in ‘n muffinpannetjie tot driekwart vol. Mikrogolf ses poffertjies ongeveer 3 min by 100% krag. Verwyder uit pannetjie en laat afkoel. Herhaal tot die beslag op is. Sit voor saam met botter. Maak ongeveer 15 poffertjies. Jy kan ook ‘n gewone oond gebruik. Bak vir 10min by 180 grade. |