Mexikaanse hoenderfrikkadelle
300g rou hoenderborsies sonder vel of been 10ml vars gekapte pietersielie kwart rooi soetrissie, gekap 3 repe spekvleis, gekap 1 ekstra groot eier, geklits 1 ui, gekap 60ml gerasperde cheddar kaas 15ml mayonnaise of suurroom 25ml blatjang sout en peper paprika en mexikaanse speserye na smaak 60ml koekmeel om in te rol olie
Voorverhit oond tot 180 grade en smeer oondbak met olie of bespuit. Maal of verwerk die hoender, pietersielie en soetrissies tot fyn. Voeg die res van die bestandele behalwe die meel by en meng goed. Geur goed met sout en peper, paprika en speserye na smaak. Verkoel vir minstens 1 uur lank. Vorm frikkadelle en rol in die meelblom. Pak in die bak, smeer ‘n bietjie olie bo-oor en bak ongeveer 25 tot 30 minute tot gaar. Verbruin onder die roosterelement en sit voor. Jy kan dit ook as ‘n ligte middagete bedien. Bedien dan salsa sous saam met fyn kapokaartappels en ‘n slaai. |