Mosterdstrooitjies
Olie vir smeer 550ml koekmeelblom 10ml mosterdpoeier 5ml sout 10ml bakpoeier 3ml paprika of rooipeper 250g botter of margarien 310ml cheddarkaas, gerasper 10ml heel korrelmostert 30-40ml yswater 1 ekstra groot eier, geklits
Voorverhit oond na 230 grade en smeer bakplaat liggies met die olie. Meng die meel, speserye en geurmiddels, sout en bakpoeier. Rasper die botter en vryf in by die meelbestandele. Voeg die kaas en heelkorrelmosterd by, asook genoeg yswater om ‘n stywe deeg te vorm. Rol die deeg 6mm dik uit en verf met geklitse eier. Sny die deeg repies, draai elke reep ‘n paar keer en bak 10 min. Laat effe afkoel op die bakplaat en pak op draadrakkie en laat afkoel. Sit in lugdigte houers tot gebruik. |