Versuikerde grondbone
500ml suiker 250ml water 3ml rooi voedselkleursel knippie sout 500g ongesoute grondbone
Meng die suiker en water in `n pot en laat kook oor stadige hitte. Roer aanhoudend totdat die mengsel begin kook. Voeg die kleursel en die sout by en meng. Voeg die grondbone by en kook ongeveer 12 minute lank tot hardekraakstadium. Roer elke nou en dan. Drup `n druppel van die stroop in die water, as dit hard word en bros drade trek is dit reg. Verwyder die pot van die stoof en roer aanhoudend met `n houtlepel totdat die stroop rondom die grondbone begin kristaliseer. Skep die grondbone uit op `n skinkbord en laat heeltemal afkoel. Bewaar in lugdigte houer. |
