Druiweblatjang
1kg swart druiwe 250ml asyn 250ml water 30ml olie 2 uie fyn gekap 1 knoffelhuisie fyn gekap 10ml fyn gemmer 1 rooi of groen brandrissie, gekap 5 appels, geskil , ontkern en gekap 1 suurlemoen se skil 125g droë appelkose, gekap(210ml) 165ml sultanas 100ml bruinsuiker 2ml fyn kaneel
Meng die druiwe, asyn en water in `n die mikrogolfbak en mikrogolf dit 8 minute op medium(75%) krag totdat dit kook. Syg die vloeistof deur en druk soveel moontlik van die druiwe uit. Behou die sap, maar gooi die doppe weg. Meng die olie, uie, knoffel, gemmer en brandrissie. Roer die appels, suurlemoenskil, appelkose, sultanas, bruinsuiker, kaneel en die sap wat eenkant gehou is, by. Mikrogolf dit ongeveer 30 minute lank op medium totdat dit dik is. Giet die mengsel in warm gesteriliseerde bottels en verseël en verkoel dit. |
