Spek en eierbrood
Lekker goedkoop resep en kan ook as `n ligte maaltyd voorgesit word saam met slaai.
4 snye brood botter of margarien 4-6 repe ontbytspek sonder swoerd 2 eiers 250ml melk 250ml gerasperde cheddar kaas
Smeer die snye brood aan die een kant liggies met botter of margarien. Plaas die broodsnye en ontbytspek in lae in `n oondvaste gesmeerde bak met die gesmeerde kant na onder. Klits die eiers, voeg die melk en kaas by en meng. Gooi dit oor die brood en speklae en laat 15 min staan totdat brood geweek het. Voorverhit die oond tot 190 grade en bak die spek en eierbrood 35 tot 40 min op middelste oondrak. Sit dit warm voor. |
