Rou Kerrie uie
Baie lekker saam met vleis of vis en hou lank in yskas. Dit kan ook in kerriekos gebruik word.
2kg uie 400ml fyn appelkooskonfyt 400ml asyn 125ml suiker 7ml kerriepoeier 7ml borrie 5ml sout
Moenie die uie was nie maar verwyder slegs die buiteblare en vee die uie af met droë skoon lap. Kerf die uie fyn en gooi in groot skottel. Meng die konfyt, asyn, suiker, kerriepoeier, borrie en sout en gooi dit oor die uie. Roer met houtlepel tot gemeng en gooi toe met skoon doek en laat oornag staan. Roer die uiemengsel die volgende oggend weer goed. Skep dit in skoon, droë flesse en bewaar in die yskas. |
