Romerige varktjops
4 varktjops 15ml margarien 15ml olie sout en peper na smaak 150g fyngekapte knopiesampioene 1ui gekap 50ml room
Sny swoerd en die vet van die tjops af. Giet die olie en margarien in `n oondpan of bak. Plaas die tjops saam met die olie in die pan en bak totdat dit gaar is. Draai tjops na `n wyle om. Geur met sout en peper. Braai die sampioene en die ui op die stoof tot deurskynend en voeg die room by. Voeg die sous by die tjops en plaas weer in die oond vir omtrent 20 minute. |
