Gerookte varknek met mosterd en kruiesous
1 gerookte varknek
Mosterd en kruiesous 2 eiers 75ml suiker sout na smaak 10ml mosterdpoeier 125ml witasyn 10ml elk gekapte grasuie, orego en pietersielie 25ml pommery mosterd of heelkorrelmosterd 3ml swartmosterdsaad gemaal 125ml suurroom
Voorverhit oond tot 160 grade. Draai varknek in foelie toe en bak tot gaar. So 15-20min per 500g vleis. Klits die eiers goed en voeg suiker, sout en mosterdpoeier geleidelik by terwyl gedurig geklits word. Laat 15min staan en voeg dan die asyn geleidelik by terwyl jy dit gedurig klits. Plaas die bak oor ‘n kastrol met kookwater en klits tot die mengsel verdik. Laat afkoel en voeg dan die kruie, mosterd en mosterdsaad by. Meng goed en voeg die suurroom net voor opdiening by. Hierdie sous is ook heerlik as ‘n pastaslaaisous! |
