Maandag Macaroni
Hierdie dis is voorwaar die moeite werd om te maak. My macaroni en kaas disse was altyd droog en vervelig, niks om oor huis toe te skryf nie, totdat ek die resep in Millie se ma Tannie Elize de Vaal se resepteboek gekry het.
2k macaroni 4t sout 1,5 liter kookwater 2k gerasperde kaas 2eetl mielieblom 1 liter melk 5 groot eiers 5ml mosterd peper na smaak
Kook macaroni sag en dreineer en skep in lae met gerasperde kaas in ‘n gesmeerde oondbak. Meng mielieblom met ‘n bietjie van die melk tot sonder klonte en voeg die mosterdpoeier ook daarby in. Meng ook die 5 eiers daarby in met die res van die liter melk en gooi oor die gereg. Bak 1 uur onbedek tot bruin en gestol. |
