Bosveldaartappels
Hierdie aartappels is heerlik saam met skaapboud en groente. Erg lekker!
1 aartappel per persoon uitgebraaide varkvet sout suurlemoenpeper mielieblom vars room
Skil en halveer die aartappels oorlangs. Kook hulle in `n bietjie soutwater net tot gaar, nie stukkend nie. Plaas `n paar klonte varkvet in `n oondpan. Sit die aartappelhelftes daarin met gesnyde kant onder. Krap die geronde bokant van elke aartappelhelfte met `n vurk skurf sodat daar heelwat fyn aartappel bo-op is. Strooi sout en suurlemoenpeper oor. Meng mielieblom en room tot `n taamlike stywe pasta. Skep versigtig daarvan op elke aartappel en plaas `n mespuntjie varkvet bo-op. Bak die aartappels in `n warm oond tot mooi bruin. Sit dit warm voor. |
