Tamatie en uiesmoor
Hierdie is my gunsteling tamatie en uie sous wat ek gereeld maak wanneer ons braai.
25ml olie 1 ui in ringe gesny 2 knoffelhuisies gekneus 1 Granny Smith appel geskil en blokkies gesny 2 tamaties ontvel en gekap(ek gebruik hom met die skil) 20ml matige kerriepoeier 25ml suiker 30ml druiweasyn 10ml borrie 50ml vrugteblatjang 25ml tamatiesous 5ml braaispeserye 1 hoenderaftrekselblokkie 500ml kookwater 12,5ml mielieblom
Verhit die olie en braai die uie en knoffel daarin tot sag. Voeg die appel en tamaties by en soteer verder. Voeg die res van die sous bestandele behalwe die mielieblom by, verlaag die hitte en prut tot `n dikkerige sous gevorm het. Meng die mielieblom met `n bietjie water en voeg by die sous. Roer goed en laat goed kook. |
