Tannie Gerda se gekookte stoofpoeding
Tannie Gerda `n goeie vriendin van my Ma, het gereeld hierdie poeding op Sondae gemaak. Dit was `n instelling om vir haar te gaan kuier en dan het ons ook van hierdie poeding gekry om van te eet.
3k meelblom 3eetl goue stroop 2t koeksoda kwart t sout 1k melk 3eetl botter
Stroop 5k water 2k suiker 2eetl kaneel 2t gemmer
Meng al die stroopbestandele in `n dikboomkastrol en bring tot kookpunt. Meng nou al jou deegbestandele bymekaar en gooi in gekookte stroop en sit die deksel op en laat kook op `n baie lae temperatuur. Onthou om nie te loer in die pot terwyl dit kook nie anders sal dit toeslaan. Neem gewoonlik 1 uur om gaar te word. |
