Heerlike Suurlemoenbroodjie
125g botter of margarien 250ml strooisuiker 2 eiers 375ml bruismeel 2ml sout 125ml melk 125ml strooisuiker skil van 1 suurlemoen, gerasper sap van 2 suurlemoene
Stel oond op 180 grade. Klop botter, 250ml strooisuiker en eiers goed saam. Sif bruismeel en sout saam en roer dit beurtelings met die melk by die bottermengsel. Gooi in `n gesmeerde broodpannetjie en bak 40-45 minute. Pas op vir aanbrand. Meng die 125ml strooisuiker en suurlemoensap. As die broodjie uit die oond kom, prik dit liggies bo-op met `n vurk en gooi die suiker en sapmengsel stadig daaroor. Laat afkoel in pannetjie en keer uit. |
