Maaskaastert
Hierdie tert is ek baie lief om te maak. Die klapperkors kan vervang word met `n beskuitjiekors as jy wil. Ek noem dit want nie almal hou van klapper nie, soos my sus Thea!
Klapperkors 625ml fyn klapper 80ml botter of margarien, gesmelt
Vulsel 125ml kondensmelk 30ml suurlemoensap 250g maaskaas 125ml room, styf geklits
Glanslaag 5ml gelatien 30ml water 125ml fyn appelkooskonfyt 30ml suiker
Rooster die klapper in die oond of in `n pan tot goudbruin. Hou dit fyn dop, want dit raak maklik te donker. Meng die klapper en botter of margarien goed en druk dit teen die wand en op die boom van `n tertbord met `n volume van 1 liter. Plaas die kors in die yskas tot en met gebruik. Meng die kondensmelk en suurlemoensap saam en voeg die maaskaas by. Klits die room styf en voeg by die kondensmelkmengsel. Skep die vulsel in die tertkors en plaas in die yskas tot gestol. Meng intussen die appelkooskonfyt en die suiker in `n pan en en meng oor lae hitte. Onthou dit brand maklik. Meng die gelatien en die water tot die gelatien opgelos is en gooi by die appelkooskonfyt. Meng deur en laat afkoel en gooi oor die tert en verkoel weer tot jy dit wil gebruik. |
