Warm aartappelslaai
6 groot aartappels 250g ontbytspek, gesnipper 125ml olie 2 uie gekap 125ml blatjang 125ml asyn 15ml mielieblom 250ml melk
Kook die aartappels in die skil in soutwater tot gaar. Trek die skille af en sny die aartappels in blokkies en hou warm. Braai spek in 25ml van die olie tot gaar en skep by die aartappels in. Soteer die uie in dieselfde pan in die uitgebraaide vet van die spek en voeg nog oorblywende 100ml olie, blatjang en asyn by en kook ongeveer 2 minute oor matige hitte sonder deksel. Meng die mielieblom en melk en giet dit stadig by die uiemengsel terwyl jy vinnig roer. Roerkook die uiesous 2 min. Voeg die sous oor die aartappels en spek by en meng liggies. Hou die slaai louwarm totdat dit opgedien word. |
