Hoenderpastaslaai met soet mosterdsous
Mosterdesous 3 eiers 250ml asyn 250ml suiker 30ml mosterdpoeier 5ml sout
Slaai 750ml hoenderaftreksel 10ml mediumsterk kerriepoeier 500ml penne-pasta 20ml gekapte basiliekruid 5 selderystingels, gesny 3 grannysmith appels, in skywe gesny 50-100g okkerneute, gekap 250ml fetakaas, gekrummel sout en peper na smaak 6-8 gerookte hoenderborsiesin 2cm dik skyfies gesny
Sous: Klits al die sousbestandele saam in ‘n klein kastrolletjie tot goed gemeng. Verhit die mengsel oor baie lae hitte tot suiker opgelos is. Laat prut oor baie lae hitte tot mengsel verdik het. Laat afkoel en plaas in die yskas tot gebruik. Slaai: Verhit die aftreksel en kerriepoeier tot kokend en voeg die pasta by, kook tot net gaar en dreineer. Voeg die basiliekruid, seldery, appels, okkerneute en fetakaas by. Geur met sout en peper en meng liggies. Meng die hoender met 250ml van die mosterdsous en meng dit liggies by die res van die slaai in. Genoeg vir 8 mense. |
